Les mots surlignés font l'objet d'une note
1Monsieur, monsieur le conte de ventadour arryva le dernier
2daoust à La Voulte où je menvoys demain le voyr
3suyvant ce quil ma mandé et sy je aprens quelque
4chiose de nouveau, je ne fairey faulte vous en advertir.
5Il a ramené monsieur son filz avecque luy et madame
6la contesse est demeurée à La Motte. Il a achepté
7une belle maison à Parys où lon dict quil va faire
8lyver. Je ne vous scarés dire le regret que les
9huguenaulx de ce pays ont de la mort de Piegros
10qui trepassa hier, vous asseurant que leur
11assemblée exède bien lédit du roy, comme ilz font
12en toutes aultres choses. Quelqu'un ma dict que
13monsieur le president Truchon doibt bien tost venir,
14mais je ne le puys croyre. Je luy ay escriptz plusieurs
15foys par la voye que son nepveu mavoyt dict.
16Je vous supplie sy avez de ses nouvelles commander
17à ung de vous secretaires men vouloyr mander.
18Au demeurant, je vous supplie me commander votre
19vouloyr pour icelluy toute ma vie acomplir daussy
20bon cueur que la dame de sceans et moy nous
21recommandons très humblement à vostre bonne
22grace, priant Dieu
23Monsieur, qui vous ayt en sa garde. De votre
24maison de Montoyson, ce deuxiesme de septembre
251571
26Votre très humble et obeyssant
27servyteur
28montoyson